ها الوزرا اللي كان غادي يديرهم بنكيران من حزبو وها اللي جايبهم العثماني. الاول الكفاءة قبل الانتماء الحزبي والثاني ما حاكم والو ما فيديش علاش ما نديرش صحابي

منذ حكومته الاولى كان عبد الاله بنكيران مع استوزار الكفاءات وكان يؤمن ان حزبه لا يتوفر على كفاءات كثيرة حتى من تلك التي تم تعيينها. هاد الشي كيبين علاش عدد من الوزراء دابا انقلبو عليه ولقاوها فرصة باش كلف الملك محمد السادس سعد الدين العثماني بتشكيل الحكومة. لاحظتو ان اول من ظهر هو لحسن الداودي. اللي معروف صحايب العثماني بسبب الانتماء الامازيغي. الداودي وفق مصادر "كود" كان عارف راسو ما غاديش يبقى وزير. ماشي حقاش عندو خلاف مع بنكيران ولكن حقاش ما فيدوش وصافي.
قطاع التعليم العالي ما دارش فيه اشياء كثيرة. لكن اللي كان موحالش يعتبها هو عزيز الرباح وزير النقل والتجهيز. هادا كانت حظوظو فالبقاء قليلة هاد الشي كيفسر شوية باش مشى بنكيران خرج ودار حوار باش يصفيها مع المرحلة البنكيرانية.
الرباح معروف عليه انه كان يفضل خدمة المربع الملكي على الحزب وكان قليلا ما يخبر رئيسه في الحكومة بامور تدخل في اختصاصاته ويفضل التنسيق مع جهات يحبها.
بنكيران كان تصوره للوزراء بعد خطاب الملك اللي كال باغي الكفاءة ووووووهو يجيب ناس فيديهم وماشي ضروري من حزبو. باش يزيدو بالبلاد القدام. العثماني على خلاف ذلك مصالح الحزب اولى. حقاش يعتقد وهو طبعا خاطئ انه بهاد الشي غادي يشد الحزب ويتحكم فيه تنظيميا. ما عارفش ان القادة بريوسهم تفرشو والقاعدة اللي غادية تبقى مع العثماني وصحابو ماشي قاعدة صحيحة حقاش غادية تستافذ من امتيازات فيما القاعدة القوية دايرة هاد الشي نضال.
العثماني غادي يجيب وزراء شي وحدين ما فيدهمش. يعني انه يفضل الولاء الحزبي على الوطن. هاد الشي فصالح خصوم الحزب. غاديين يقلبو ليهم على شي كفاءات ويدخلوهم بسرعة ويلونوهم. العثماني غادي يكون دمية فهاد الفيلم كلو. حقاش ما يمكنش يتحكم فوزراء حاكمين قطاعهم وما عندوش شخصية بنكيران اللي يقدر يدير بيها التوازن وقبل ينزل السروال وقبل النهار الاول.
فهاد الفيلم كولو لبلاد خاسرة. حقاش البي جي دي غادي فطريق الاتحاد الاشتراكي. غادي يولي حيوان اليف تسكنو معاك فالدار اي دار المخزن بلا ما تخاف منو