ملي تحط ستاتو فيه أنك كتسنى اللبنانيات من بعد ماتخرب بلادهم بحال سوريا يهاجرو للمغرب وداك الساعة تقدر تلقى شريكة حياتك فراه هادي قمة الذل وإحتقار الذات أنك تكون عوال على خراب بلاد باش تفرح لقريد نتا

في البدأ كان الفايسبوكي المغربي كيتسنى يشوف البوكوصات السوريات كيطلبوا فالسطوبات وهوما لابسات بحال شخصيات الكواسر وبنفس الزين والتكحيلة والماكياج، ساعة صدقو بحالهم بحال المغاربة لي كيسعاو فالسطوبات فبلدان أخرى فالعالم، دابا قاليك أسيدي أن الفايسبوكي المغربي كيتسنى الثورة تشعل فلبنان وتتحول البلاد لساحة حرب ويهاجروا سكانها وداك الساعة غادي يجيو اللبنانيات للمغرب ويختار على خاطرو فالزين لي مايحلمش بيه فبلادو، دابا كائن كيتسنى حتى ينوض الخراب فبلاد أخرىة ويهاجروا اهلها هربا عاد غادي يلقى لي تقبل بيه، بحال هاد الكائن طبعا ماغاداش تقبل بيه مغربية حرة وهو أصلا معتابر راسو غير ديشي ديال البشر خاص المرأة تكون هاربة من حرب عاد تقبل بيه.
هاداك خونا الوحيد لي مطفروش مع الخيارات لي كاينين حداه وكيظل يحقر فبنات بلادو مقابل الأجنبيات، صحاب السويديات بليز وهادوك لي غير حطاتهم الطيارة فروسيا مدخلو حتى لشي ماتش ودوزوها غير تصاور مع الروسيات، وصحاب فلوكات شاهد كيف حصلت على رقم فتاة هندية، وهادوك المراهقين لي فايتين عشرين عام وباقي متفرقوش على بزولة مهم ولي كيسميو بنات بلادهم بالموسطاشات، هادو لي كيتسناو دابا يشوفو انجي خوري وقمر لاجئات فالمغرب وهوما كالسين كيتخيرو فيهم شكون يتزوجوا باش يسكونها فالسداري لي فالصالون، واش من نيتكم مرخصين راسكم حتى لهاد الدرجة لأنكم تقتاتو على المآسي والحروب باش تلقاو لي يقبل عليكم.
ملي تحط ستاتو فيه أنك كتسنى اللبنانيات من بعد ماتخرب بلادهم بحال سوريا يهاجرو للمغرب وداك الساعة تقدر تلقى شريكة حياتك فراه هادي قمة الذل وإحتقار الذات أنك تكون عوال على خراب بلاد باش تفرح لقريد نتا، بنادم حاس براسو أنه ماجايبش روحو في ظروف عادية إنسانية خاص حتى توقع شي تسونامي شي جايحة كحلة عاد يقدر يعزز الحظوظ ديالو بإستغلال داك الموقف، أما غير هو كبنادم يجيب روحو فسوق البشرية فراه مافيدوش، وخاص يديرو فبالهم هادوك لي كيتسناو اللبنانيات يجيو يحضيو من اللبنانيين راهم الباكص ديال العرب وإحصائيا هو الأكثر فحولة وأطول قضيبا.