https://www.youtu.be/-yGVGKnMWNo حسن بنعبيشة مدرب فريق سريع وادي زم تساءل ف الندوة الصحافية بعد الماتش ديال فرقتو مع الجيش الملكي البارح الأحد برسم الدورة الرابعة من منافسات البطولة، واش الرجا مازال ف البطولة. بنعبيشة تكلم على سوء البرمجة بطريقة ساخرة “دبا انا كنتساءل غير واش الرجا مازال معانا ف البطولة، لحقاش مشحال هادي ما لعبش حتا ماتش ديال البطولة”. بنعبيشة ماكانش راضي على هزيمة سريع وادي زم وارجع السبب إلى طرد الحارس العقيد، وگال إن فريقه كان كيستحق على الأقل التعادل، خصوصا أنه ضيع بلانتي. واضاف بنعبيشة أن الماتش كان صعيب على سريع وادي زم وتمنى باش ما يتاثروش اللعابة، لي عندهم ماتش صعيب ضد المغرب التطواني في كأس العرش. بنعبيشة ما عجبوش الگازو ديال ملعب المجمع الرياضي الأمير مولاي عبد الله واخا يالاه تحل بعد الإصلاحات لي دارت في الفترة الأخيرة.
