حقارة سيمو بنبشير خلات الصحافي أديب سليكي ينتفض: ملفاتك خانزين ومؤخرتك نت حر فيها.. لكن عيب تعاير مريم سعيد

الصحافي أديب سليكي تفاعل مع مقال “كود” على سيمو بنبشير لي عاير وسب الاعلامية مريم سعيد حيت تزوجات وكتب عليها كلام مافيه ميتقرا.
لديب رد على بنبشير وكتب في تدوينة فايسبوكية “سيمو بنبشير أنت حقير وباسل بزاف ومريكان كشعب وكعقلية متعلمتي منها والو بقيتي فلمعاطية والتقلاز الخاوي… علاش كل هد الحقد على مريم سعيد مالها اشنو غادي تكون دارت ليك كاع بالسلامة”.
وقال أديب سليكي “أنا مكنعرفش مريم سعيد بشكل شخصي، ولكن استفزني هد لكلام المايع فحق النساء كاملين.. ملفاتك الخانزة وفضائحك فمراكش والنواحي معروفين وعندي منهم بزاف ولكن أنا ماشي شغلي فيك كتبقى حياتك والمؤخرة ديالك انت حر فيهم”.
وأضاف المتحدث “من العيب إنسان عايش فبلاد الحداثة والانفتاح والتطور يسب بنت بلادو بكلام فيه مس بالكرامة حشومة.. أنا مقلق عليك بزاف بزاف بزاف ” كما كيدلعك صاحبك ياك هكا كيقول ليك”.
ووجه الصحافي الشكر للنساء المغربيات لي مكيرضاوش بالاهانة، وبارك لمريم سعيد زواجها.
وكان سيمو بنبشير دار ستوري في انستكرام دارو كتب فيه “مبروك للعريس لي تزوج الشياطة ديال العاهرات وهنا كلشي من هاديك لي داز عليها كلشي"، وهادشي خلا بزاف ينتافضو ضدو.