بدر هاري: انا فخور بالدعم ديالكم ولكن صعيب عليا بزاف نتقبل نتيجة الكومبا.. وكنشكر ريكو على معاملتو واخلاقو

من بعد اعتراف الهولندي ريكو فيرهوفن، بقوة البطل المغربي والعالمي بدر هاري فرياضة الكيك بوكسينگ، فنهاية الكومبا اللي جمعهم لبارح السبت، واللي ربح فيه النجم الهولندي بعدما تصاب هاري فرجليه، جات نوبت المغربي باش يقول اللي فقلبو.
وحط بادر هاري بوسط جد مؤثر فالكونط انستگرام ديالو، كتب فيه: “بغيت نشكركم كاملين على الكومبا ديال البارح، كنتو رائعين، ومانقدرش نوصف ليكم الاحساس اللي حسيت فاش دخلت للحلبة. انا فخور بالدعم ديالكم. وماتقدروش تصورو شحال صعيب عليا نتقبل هاد النتيجة… ولكن واخا هكاك راني وريت للعالم انني مازال انا اللي مسيطر فالوزن التقيل، وانا ثايق كل الثقة انني غادي نعاود نربح واحد النهار”.
واضاف البطل المغربي : “وبغيت نشكر ريكو على المعاملة المتالية ديالو واخلاقو الرياضية العالية بعد اصابتي، غادي نرجع.. وجدو راسكم”.
View this post on Instagram
I want to thank all my army for this incredible fight night. You were amazing and I can't describe what I felt entering the ring in this crazy atmosphere. It was unique and I'm so proud to have your support behind me. You can imagine how it is difficult for me to accept this outcome. I have shown the world that I'm still the most dominant fighter of the heavyweight division. I'm also fully convinced that I will conquer this belt. I would also like to thank @ricoverhoeven for his exemplary sportsmanship after my injury. I will be back. Be prepared. #BadrArmy
A post shared by Badr Hari (@badrhariofficial) on Dec 22, 2019 at 6:14am PST