بعدما خسر لقب “The voice”.. رضوان الأسمر كيبرد على راسو: المهم نكون شرفت المغرب

من بعد 33 سيمانة في برنامج “ذا فويس- أحلى صوت” التونسي مهدي عياشي هو لي دا اللقب، بعد منافسة قوية مع جوج مغاربة لي هوما فهد مفتخر ورضوان الأسمر ومشاركة مصرية اسمها إيمان عبد العزيز.
البارح الأحد خرج رضوان الأسمر بلايف كيدوي فيه مع المتتبعين ديالو في انستگرام، وبقا كيبرد على راسو بعدما فشل ياخد اللقب وقال الجملة الشهيرة “المهم نكون شرفت المغرب والمغاربة”.
الأسمر عندو قاعدة جماهيرية في المغرب وتعرف عليه الجمهور بزاف بعدما عاود غنا “ناكر الحسان” لي هي أغنية مسلسل “سر المرجان” الناجح ولي كان كيتعرض في رمضان لجوج ديال المواسم.