حسن بركان ل”كود”: كاينين بعض “الشفارة” ف “البام”.. وغادي نقاضي وهبي وحزبنا ماعمرو تلقى تعليمات

قال حسن بركان، عضو المجلس الوطني لحزب “الأصالة والمعاصرة” والمقرب من الياس العماري، الأمين العام السابق لنفس الحزب، إنه “سيقاضي عبد اللطيف وهبي بسبب تصريحاته الأخيرة حول الحزب خصوصا عندما أكد بأن البام في السابق كان حزب التعليمات والتحكم”.
وأوضح بركان في تصريح ل”كود” أن “تصريح وهبي الذي قال بأن الحزب كان تتحكم فيه التعليمات والهواتف وبلي الحزب ديال الدولة، تصريح خطير، خصو يثبت كلامو”.
وتابع المتحدث :”فاش كنا ف القرار، وكنت انا مقرر لجنة الداخلية بمجلس المستشارين، وكنت في الغرفة التجارية، وماعمر تحكم فينا شي حد”، مضيفا :” تحكم الياس العماري غير هضرة، ولي قال وهبي خطير وخاص نثبتوه”.
وزاد بركان بالقول :”اذا كان هذا الحزب فيه تحكم خصنا نعرفو شكون كيتحكم فهاد الحزب وخاص وهبي يشرحلينا شكون كايتحكم ف الحزب”.
ووعد بركان بمتابعة وهبي قضائيا، نافيا أن يكون “البام” حزب “يتلقى التعليمات”، واصفا مشروع “التراكتور” بأنه مشروع كان بديل عن الأحزاب السياسية للآسف الحزب انحرف فاش شدوه بعض الناس مكانش فالمستوى”.
وبخصوص مالية الحزب، قال المتحدث :”يشاع بأن داكشي مهول، قال بلي 25 مليار خلاها الياس العماري، والأمين العام الحالي خلا ليه 4 ملايير وعطاه للحموتي، الأخير خداها وهادشي خطير”، مضيفا :”هاد ناس غادي نقاضيهم ” في إشارة إلى تيار وهبي.
وأضاف المصدر نفسه :” بوحدي غاناخد 4 محامي بفلوسي، ولي ثبت ف حقو سرق خصو يمشي للحبس”، مضيفا :”كاين لي خدا انخراطات ديال اعضاء مجلس المستشارين ب 4 ملايين درهم خصنا نعرفو فين مشات”.
وتساءل المتحدث :”واش كانت صفقات بين وهبي والحموتي ” ليستطرد:” خصنا نعرفو شكون الشفار وشكون الكذاب”.
وتابع القيادي الحزبي بالقول :”صدقو ناس كينعثونا بالشفارة، وهادشي مكاينش غير بعض الناس لي فيه شفارة، وغانمشي للمحكمة ولي ثبت فيه هادشي خصو يمشي لعكاشة.