العماري: يسخر من الحكومة الجديدة و يدعو إلى "قراءة آية الكرسي" عليها

عقب تعيين الملك لحكومة الجديدة التي يرأسها سعد الدين العثماني، كتب الأمين العام لحزب الأصالة و المعاصرة إلياس العماري في تدوينة له عبر موقع التواصل الإجتماعي "فيسبوك" قائلا: "أنا حاير اليوم، واش نقراو على حكومة السيد رئيس الحكومة الجديد سورة الفاتحة أو شي آية أخرى".
وأضاف زعيم "البام" لقيت كولشي كيهدر على التشكيلة الحكومية الجديدة، وتفكرت حكومة 1992، وجات لي فلبال الصورة ديال المعارضة فديك الوقت وهي كتقرا الفاتحة على الحكومة ديال السي محمد كريم العمراني وأنا حاير اليوم، واش نقراو على حكومة السيد رئيس الحكومة الجديد سورة الفاتحة أو شي آية أخرى".
وتابع إلياس العماري حديثه بالقول "بانلي ماغنلقاوش أحسن من آية الكرسي لعل وعسى تقضى حوائج بلادنا على يد هاذ الحكومة. ولكن واش غتنفع هاذ القراءة مع حكومة كيبانو فيها تقريبا نفس الوجوه اللي الشعب المغربي مولف كايشوفها في الحكومات السابقة".
وأضاف ذات المتحدث بالقول "الغريب في الأمر هو أن كثار من 6 شهور، بل من نهار فاش تشكلات الحكومة الأولى ديال سي عبد الاله بنكيران، ما بقينا كنسمعو الهدرة إلا على شكون الأحزاب اللي غاتاخذ الحقائب الوزارية، وشكون السميات اللي غايكون عندها الزهار باش يولي موالينها وزراء كنسمعو هادشي، والشعب المغربي، ومعاه المراقبين كيقلبوا على شي حاجة سميتها مشروع حكومي وبرنامج يعبر عن تطلعات المواطنات والمواطنين". وفق تعبيره.