المركز الفرنسي اختار رسم لزينب فاسيقي باش يكون لافيش ديالو فمعرض الكتاب.. والسؤال كيبقى واش فاسيقي فيمينست وكدافع على حقوق المرا ولا لقات همزة كدبر بيها على طرف ديال الخبز برسومات كتفيد بيها جيبها ماشي المغربيات

اختار “l'institut francais' رسم ديال المغربية زينب فاسيقي باش يكون هو لافيش ديالو في المعرض الدولي للكتاب لي غادي يبدا في لافوار في كازا نهاية هاد الأسبوع.
View this post on Instagram
Un honneur de dessiner l'affiche 2020 du Salon International de l'édition et du livre – Pavillon France de @ifcasablanca @ifmaroc Du 7 au 16 février, je signe et je présente mon livre @hshouma le 16 février, hate de vous rencontrer tous labas. Le thème de cette année est BD et Roman Policier / POLAR ???? Vraiment contente d'être parmi tous mes auteurs préférés au SIEL merci ❤
A post shared by Zainab Fasiki (@zainab_fasiki) on Jan 30, 2020 at 11:22am PST
فاسيقي معروفة بالرسومات ديالها المثيرة للجدل ولي كتقول انها باغية تهرس بيهم الطابو بعيدا عن “الحشومة” و”العيب” و”العار”، الا ان بزاف كيقولو انها نقالة وان الرسومات ماشي من ابداعها بل كتسرقهم من فنانة اخرين.
والبعض كيظن ان فاسيقي ابعد حاجة على فيمينست وانها غير لقات طريقة باش تاكل طرف ديال خبز مع “الغرب”، خصوصا وان رسومتها ماكيفيدو فوالو قضية المرأة فالمغرب، بل كيفيدوها غير هي بالصرف لي كدخل منهم والشهرة لي ولات عندها، راها مؤخرا دارت حوار فقناة Arte، وكتبو عليها فصحيفة new york times، يعني عندها لي كونطاكط ومحركة.
فاسيقي صعيب نعتابروها فيمينيست كدافع على حقوق المرأة المغربية، حيت وللاسف من غير انها كترسمها عريانة، عمرها حققات شي انجاز بحال مثلا تفتح حوار على الحق في الاجهاض، او حق المرا فالفضاء العمومي…
كاين فرق بين عندك المعارف وعندك الدخلة باش تشهر وتعرف، وبين تكون مدافع على فئة وبصح باغي تجيب ليها حقها.