علماء إسرائيليين غيوجدو دوا “كورونا” من دابا 90 يوم

فريق ديال العلماء الإسرائيليين قربو يديرو واحد “الفاكسان” مضاد لفيروس “كورونا” الجديد، واللي يقدر يكون واجد من دابا واحد السيمانات قلال، أو على أبعد تقدير من هنا 90 يوم.
عفير أكونيس، وزير العلوم والتكنولوجيا الإسرائيلي، هنأ فتصريحو لمواقع إسرائيلية، علماء المعهد العلمي “كَاليليو” فإسرائيل، المختص فعلم تكنولوجيا الأحياء والبيئة والفلاحة، اللي قدرو يطورو لقاح مضاد لهذ النوع من الفيروسات، ويكتشفو بللي يقدر يقضي على “كورونا”، وعبر على اقتناعوا وارتياحو بفضل المجهودات اللي كيقوموا بيها.
من جهتو قال الدكتور خان كاتز، رئيس قسم تكنولوجيا الأحياء فالمعهد، بللي هوما فالأصل ماكانش فنيتهم يلقاو فاكسان مضاد للفيروس، لكن قدرو يطورو الأبحاث والدراسات اللي دارو على فيروسات مشابهة حتى استطاعو يلقاو لحل ل”كورونا”، واللي يقدر يصدق ويقدر يفشل، “لكن تجاربنا مازال مستمرة فهذ الباب”، على حد قولو.
وشرح كاتز بللي هذ “الفاكسان” اكتشفناه غير زهر وصافي، وهو كيستند على بروتيين كيقوم بإفراز بروتيين آخر كيميائي قابل للذوبان، وكيمكن يمشي فالأنسجة المخاطية عن طريق “التسمم المخاطي”، وهذشي يقدر يكون أجسام مضادة ل”كورونا”.
والعلماء الإسرائيليين اكتشفو أن “كورونا” الحيواني شبيه جدا ب”كورونا” المستجد، وهذشي سهل يلاءمو لقاح الأول مع الثاني، الشي اللي كيزيد احتمال الحصول على لقاح مناسب فوقت قصير مع استمرار التجارب والأبحاث، وأكدوا بللي خاصهم غير يلقاو تسلسل جديد ملائم للفيروس.