المغرب حطم روكور جديد فعدد الإصابات بكورونا بقاو فديوركم.. تزادت 245 إصابة جديدة بالفيروس فأقل من 24 ساعة.. وصلنا ل2528 إصابة فالمجموع و133 ماتو و273 تشافاو

علنات وزارة الصحة، صباح اليوم الجمعة فالبوابة الرسمية لفيروس كورونا المستجد فالمغرب، على تسجيل 245 إصابة جديدة بالفيروس، باش يوصل العدد الإجمالي ديال المصابين ل2528 مصاب.
وهذا روكور جديد كيحطمو المغرب فأقل من 24 ساعة فعدد الإصابات، وفالغالب مازال غيتسجلو إصابات جديدة وتم الإعلان عليها مع الستة دالعشية.
بالنسبة للوفيات، تسجلات هذ الصباح 3 وفيات جديدة، وولا عندنا دابا فالمجموع 133 وفاة بفيروس كورونا.
وبالنسبة لعدد اللي تشافاو، فاليوم تسجلات 24 حالة شفاء جديدة، وبلغ عدد اللي تشافاو 273 فالمجموع.
وبناء على هذشي، كاينة بالضبط 2122 حالة كتتلقى العلاج، إلى استثنينا حالات الشفاء والوفيات.
ولحد الساعة، كاينة 9995 حالة تستبعدات إصابتها بالفيروس، بعد إجراء تحاليل مخبرية خرجات سلبية.
ومن الملاحظ أن لبارح واليوم فاتو الإصابات الجديدة سقف ال200، ممكن حيت بانو بؤر عائلية وتجارية وصناعية، وحيت عدد التحليلات اللي كيدار فاليوم حتى هو ارتفع بعدما ولاو المستشفيات الجامعية كايديروها بدورهم.
وهذا التوزيع ديال الإصابات عبر الجهات: