ميركانيّين عاودو ساعات من الجحيم عاشوها ف المغرب بسبب "كورونا" وها كيفاش خواو قبل منسدو الحدود وها آش قالو على سفارتهم

تفاصيل صادمة قدمها أمريكيون جاو للمغرب في رحلة سياحية مع شي وكالة أمريكية للأسفار. هاد التفاصيل كشفو عليها ل"Indystar"، وهو موقع إعلامي كبير تابع للمجموعة العالمية الأمريكية "USA TODAY".
وكشف هاد السياح اللّي كانو واحلين ف المغرب أن رجعو لبلادهم بعد رحلة دامت 30 ساعة وتعود إلى تاريخ 19 مارس الماضي ليلا، حيث بدأت برحلة على مثن سيارة من مدينة كازا في اتجاه مطار المنارة بعاصمة النخيل مراكش، قبل أن تقلهم بعد الساعات طائرة إلى العاصمة الفرنسية باريس وبعدها وصلو لولاية "إيندايا" فين ساكنين.
هاك لكروب دالسياح كان مع وكالة أسفار امريكية نظمت جولة في المغرب، وسبق لهم أن وقعوا برنامج عمل مع الوكالة يسمح لهم الاتصال مع السفارة في حالة اي طارئ. ومن بعد مني وقع اغلاق الحدود مكان حتى شي جواب من طرف السفارة الامريكية حتى انهار الخميس وهو انهار وقتاش غادي يسافرو.
وكشفو على أن السفارة صيفطات ليهوم إيميل كتقول فيه أن وزارة الخارجية قادات ليهوم رحلات طيرات خاصة وغادي تكون انهار الجمعة 20 مارس، وبأن هاد الرحلات كانو من مراكش للندن لكن هوما كانو مقطعين لباريس ووصلو داك الساعة للعاصمة الفرنسية.
السفارة كشفت ليهوم على أنه غادي يكونو رحلات ل10 مدن امريكية لي هوما (ميامي، لوس أنجلوس، النوارك، بوستن، واشنطن، شيكاكو، نيويورك، سياتل، صون فرانسيسكو، اوطالاس). لكن داك السياح كانو قطعو لباريس قبل متلقا ليهوم السفارة الحل.
المهم هاد السياح زربو على راسهوم وخواو المغرب. فحسب تصريحاتهم فإن المسؤول على داك وكالة الأسفار الأمريكية قالهوم خاصنا بالزربة نمشيو للمطار حقاش المغرب غادي يسد الحدود ديالو.