بسبب كورونا.. طاليس ما قدرش يصور حلقات "فاتي وصلاح" كلها

من بعد ما كان علن على الجزء الثاني من سلسلة "فاتي وصلاح"، قال الكوميدي عبد العالي لمهر المعروف بلقب طاليس أنه ما قدرش يصور الأجزاء كاملة ديال الجزء الثاني لي كان غادي يدوز في هاد رمضان.
طاليس نشر على حسابو في انستكَرام تدوينة قال فيها "كنا معولين فهاد رمضان نعطيوكم حلقات كتر من العام اللي فات ولكن بسباب ظروف الحجر الصحي ماقديناش نكملو التصوير، لهدا غادي نبارطاجيو معاكم داك الشي اللي صورنا قبل".
طاليس كيف قلنا في خبر كان داز في "كود"، ما قدرش يكون هاد العالم في التلفازة حيت ما قدرش يصور أعمال في الظروف الحالية مع حالة الطوارئ لي فرضاها البلاد للحد من انتشار فيروس كورونا، وخصوصا أن المركز السينمائي وضع شروط خاصة للتصوير منها ما يفوتش الطاقم 30 شخص، وهاد الظروف، طاليس وبزاف ديال المخرجين والمنتجين جاتهم تعجيزية.
View this post on Instagram
حنا بعدا والله إلا توحشناكم جدا… وكنا معولين فهاد رمضان نعطيوكم حلقات كتر من العام اللي فات ولكن بسباب ظروف الحجر الصحي ماقديناش نكملو التصوير، لهدا غادي نبارطاجيو معاكم داك الشي اللي صورنا قبل… شحال فنظركم غايكونو عدد الحلقات????ا؟ @fadoua.taleb Director ???? : @medamine_elahmar #صلاح_وفاتي_الموسم_2 #Bb
A post shared by Taliss طاليس (@taliss1) on Apr 23, 2020 at 1:49pm PDT