مشا "كبور والحبيب" وهو يبدا يخربق.. هيثم مفتاح بدا كيدير الركاكة عبر السيكتشات القصيرة لي كيحط على حسابو فأنستكَرام -فيديو

من بعدما خطاتو سلسلة "كبور والحبيب"، طاح هيثم مفتاح في الركاكة من خلال السيكتشات القصيرة لي كيحط على حسابو في أنستكَرام.
هيثم مفتاح غير خطاه حسن الفد وشخصية الحبيب بدا غير كيخربق وينشر الحموضة حيت ما عيط عليه حتى مخرج وما شارك في حتى عمل في هاد شهر رمضان.
السكيتشات القصيرة لي نشر مفتاح على حسابو، مامكتوباش مزيان، وفيها ضحك ساهل، كيبان من خلالو انه ماكانتش خدمة حقيقية وراء كتابة السكريبت او السيناريو.
وعاد باش الافكار المطروحة في هاد السكيتشات هي عبارة عن افكار مستهلكة، ولا جديد فيها.
وكان حسن الفد علن عن تأجيل تصوير الجزء الثالث من كبور ولحبيب كيف كان منتظر لأن انتشار فيروس كورونا في بلادنا منعو من تصوير الحلقات واكتفى بعرض سلسلة "الطوندونس" لي كدوز منها حلقة كل أسبوع.
View this post on Instagram
اللي ما واقعاش ليه يطاگي اللي واقعة ليه ???????????? #الحجر_الصحي #رمضان #حتى_الرياضية_و_المغربية_كايعاودو #speaker #coronavirus #confinement
A post shared by Haytam Miftah (@haytammiftah) on May 4, 2020 at 11:00am PDT