كيفاش غادي يتعامل المغرب مع ناسو اللّي خاصهوم وثائق من بلادهوم؟. مصدر دبلوماسي ل"كود": ها شنو دارنا حنا والإدارات المغربية خاصها تبدا خدمتها

كاين مغاربة بالأراضي الإيطالية حاصلين كباقي المغاربة الموجودين في عدد من الدول الأوروبية، وكاين فيهم اللي خصاهوم وثائق من بلادهوم لكن كيفاش غادي يتدار باش يتحل المشكل ديالهوم.
مصدر دبلوماسي مغربي أوضح ل"كود"، أن القنصليات فالطاليان ديما خدامة ويوم الإثنين المقبل غادي يكونو الموظفين وبطبيعة الحال باش نيداو يصوبو للناس ملفاتها. مصدر "كود" أوضح أن هاد العملية غادي تكون في احترام تام لقواعد الصحة المعمول بها بحال مسافة الأمان.
المسؤول الدبلوماسي قال على أن الإدارات المغربية خاصها ابتداءً من 20 ماي الجاري تبدا خدمتها لتسوية وضعية هاد المغاربة، مجددا تأكيده بالقول: "حنا غادي نبداو ناخدو الوثائق وخاص دبا استئناف العمل من المغرب".
ولم يقدر مصدر "كود" عدد المغاربة اللي كانين فالطاليان وعندهوم هاد المشكل، وأضاف قائلاً: "لا يمكن ان معرفة شحال من مغربي اللّي تقضاو ليه لوراق، لكن كل واحد عندو هاد المشكل غادي يجي يصوب الأمور ديالو لراسو".
في مقابل ذلك، أوضح مصدر مطلع أن الإدارات المغربية خدامة كولها، وموقفاش كاع، مضيفا بالقول: "الحالات الاستثنائية والمستعجلة كولها تدبر كما يجب بتنسيق تام مع القنصليات".