واش بصّح غادي يفتحو المقاهي والمطاعم والبيران؟. مصدر ل"كود": داكشي كولو كذوب وحنا دبا كنشوفو الأولويات ماشي هادشي

هضرة كثيرة نايضة هاد الأيام على المقاهي والمطاعم والبيران وحتى ليبواط. شي كيقول غادي يفتحو بعد العيد وشي كاع انشر وثائق مفيركة تتضمن لتواريخ وهمية لفتح هاد المحلات العمومية لكن هادشي مكاينش منو.
ووفق ما أكد عنه مصادر مطلع، ل"كود"، فإن كل ما يتم الترويج له على منصات مواقع التواصل الاجتماعي، وحتى على تقنية الترسال الفروي "واتساب" لا أساس له من الصحة، مؤكدا أن السلطات المختصة كتشوف الأوليات دبا ماشي هادشي.
ومن بين هاد الأوليات، حسب مصدر "كود"، كتشوف السلطات كيفاش يقدرو يفتحو محلات الحلاقة وشي أنشطة اقتصادية أخرى توقفت عن العمل منذ ظهور "كورونا" فيروس، موضحا أن هاد الأنشطة اللي غادي تحل قريب مكيكونش عليها الضغط، ومعندها حتى شي علاقة بالبيران والمقاهي وغيرهم.
وتابع المصدر موضحا أن الحديث عن فتح هاد المحلات ماشي وقتو كاع، وتقدر شي تكون شي حاجة بعد 10 يونيو المقبل. لكن هادشي مزال صعب فهاد الوقت الراهن، وإلا غادي يتضرب كولشي فالزيرو. داكشي اللّي بناتو الدولة لمواجهة "كوفيد19" غادي يمشي كولو فالزيرو.