نايضة فميريكان. ترامب خباوه فالبيت الابيض وبزافت المدن خرقات حظر التجول والعافية شعلات فنيويورك ولوس انجلس وشيكاگو ..

نايضة بزاف فميركان. حظر التجول اللي دارتو السلطات باش توقف العنف ما صدقش. نيويورك تايمز هدرات على نقل الرئيس دونالد ترامب للبونكر اللي كاين فالبيت الابيض وكيخبيو فيه الرئيس وقت ما شافو ان حياتو فخطر. ترامب دوز ساعة فهاد المخبأ. قدام البيت الابيض كانت احتجاجات ومواجهات. هاد الشي تزاد باش ترامب دار تدوينة فيها ان جماعات يسارية وفوضوية اللي اللي سباب هاد العنف اللي فالبلاد.
هاد الاحتجاج تنظم فاليوم السادس على التوالي جا احتجاجا على وفاة جورج فلويد فمينيابوليس. تشهر فالعالم كولو باش قال لبوليسي ابيض "خليني نتنفس".
واخا دار حظر التجول فاكثر من 40 مدينة فهاد الشي ما منعش سكان مدن كبيرة بحال نيويورك وشيكاغو واطلنطا وفيلادلفيا ولوس أنجلوس.... باش يخرجو يحتجو.
فهاد الوضع كان الاحتجاج. كان احراق المحلات والطونوبيلات. كانت الشفرة والنهب لهاد المتاجر. كان الاحتجاج السلمي. كانت المطالب السلمية السياسية