مقدم سابق ففاس جاب الربحة.. نشر الكذوب والفرقة الوطنية دخلات على الخط ومحكامتو بدات اليوم

شرعت المحكمة الابتدائية بمدينة فاس، اليوم الإثنين، في محاكمة عون سلطة سابق "مطرود"، وذلك على خلفية متابعته بمطالب من النيابة العامة من أجل "بث وتوزيع ادعاءات ووقائع تمس بالحياة الخاصة للأشخاص والتشهير بهم وإهانة موظفين عموميين أثناء القيام بعملهم"، طبقا للفصل 447 و463 من القانون الجنائي المغربي.
هاد المقدم المطرود اللّي اسبق ليه تحال على العدالة في مناسبات عديدة من أجل "إهمال الأسرة" كان وجّه اتهامات خطيرة لعدد من المسؤولين بفاس، ومؤسسات الدولة، وقاليك يا سيدي اعطا مهلة ديال 48 ساعة للمدير العام للأمن الوطني ورئيس النيابة العامة باش يفتح تحقيق فلكذوبات ديالو. بلا حشمة بلا حيا.
وقالت مصادر "كود"، أن هاد لمقدم المطرود اللّي كيقول على أنه جمعوي اتهم مسؤولين بمتابعة أشخاص دون غيرهم في فاس، وكيقول على صفحتو فالفايسبوك على أنه كاين ملفات يتم التغاضي عليها من طرف مسؤولين، وغيرهم من الاتهامات الخطيرة، في غياب أي دليل على مزاعمو في حق المسؤولين والمؤسسات.
الموقوف داز اليوم امام القضاء بعدما تقدم لوكيل الملك من قبل الفرقة الجهوية للشرطة القضائية، وتقرر تأجيل قضيته الخانزة. الملف ديالو خازن وهادي رسالة لكاع لهادوك اللّي كيقولو هوما جمعويين وكيقضيو حاجتهوم وكيقولو تجار ومعندهوم حرفة، وكيقول صحفيين ومعندهوم صفة مهنية. سيرو يلا عندكوم شي شغال راه الوقت كيمشي عليهوم فالخاوي.