خاص. بلوكاج قانون المالية المعدل: بنشعبون باغي الاجماع باش يدوز المادة 247 مكرر باش جميع الشركات لي كتساهم مع الدولة غادي تستفد من اعفاءات ضريبية خاصة..ومصدر ل"كود": هادي حاجة مزيانة كتشجع الشركات يساهمو مع الدولة

البلوكاج باقي مستمر ف لجنة المالية بمجلس النواب، بسبب البحث عن توافق بين جميع الفرق والمجموعات النيابية والحكومة باش يدوزو المادة 247 مكرر ف مشروع قانون المالية المعدل.وذلك في اطار القراءة الثانية.
المادة كتنص على ان جميع الشركات لي كتساهم مع الدولة غادي تستفد من الخصم من الضريبة، غادي تستفد من اعفاء ضريبي غادي يتقسم على كل سنوات.
واوضح ذات المصدر أن مسؤولين كبار باشروا اتصالات مكثفة بالامناء العامين للأحزاب، باش يقنعو نوابهم بالتصويت بالاجماع لصالح التعديل لي جاب مجلس المستشارين.
المادة 247 مكرر كيف عدلها مجلس المستشارين تحيدات فيها عبارة صندوق كوفيد 19 لي كانت جابت الحكومة فالاول قبل ما تسجبها، يعني دبا فيها التعميم وفق مصدر مقرب من بنشعبون.
المادة 247 المكررة وفق التعديل لي صوت عليه مجلس المستشارين كتقول :"تعتبر بمثابة تكاليف قابلة للخصم، توزع على عدة سنوات محاسبية المبالغ المدفوعة في شكل مساهمات أو هبات أو وصايا من قبل المنشأت الخاضعة للضريبة على الشركات أو الضريبة على الدخل برسم الدخول المهنية أو الفلاحية أو هما معا، المحددة وفق نظام النتيجة الصافية الحقيقية أو نظام النتيجة الصافية المبسطة لفائدة الدولة".
المشكلة فالمادة وفق مصدر من المعارضة هو لم يتم التنصيص على انه مغاديش طبق بأثر رجعي، بمنعى ان الشركات لي ساهمو ف صندوق كوفيد مغاديش يستفدو منها.
في المقابل وعد بنشعبون البرلمانيين انه هاد القضية ديال الاثر الرجعي مغاديش تكون، ولكن في نفس الوقت رفض يتم التنصيص عليها فالقانون.