نشوفو جيراننا. استطلاع: كثر من نص الصبليون ما غاديينش يرسلو ولادهم للمدارس و75 بالمائة قالو باللي الحكومة ما عرفاتش تدبير تصاعد عدد الاصابات بالڤيروس

حسب استطلاع نشراتو جريدة "لاراثون" فان كثر من نص الصبليون ما غادينش يرسلو ولادهم للمدارس. هاد الشي جا فاطار نقاش كبير بزاف فهاد البلد الجار ديالنا على الدخول المدرسي اللي بقى ليها غير 10 ايام. جا كذلك بعد الارتفاع اللي تسجل فعدد المصابين يوميا بڤيروس كورونا.
هاد الدراسة اللي تنشر اليوم فالجريدة الاسبانية فيه ان 75 بالمائة كيعتاقدو ان حكومة سانشيز =اليسارية اللي دارت بتحالف مع اليسار الراديكالي بوديموس= ما عرفوش تدبير هاد التصاعد فعدد حالات الڤيروس.
اكثر من 60 بالمائة من هاد المستجوبين قالو باللي كيأسفو بعدم توفر الحكومة على بروطوكول آمن باش ولادهم يرجعو للاقسام يقراو
اللي قلق الصبيلون انو فالوقت اللي القضية قصاحت فالاصابات بين الشعب والارقام ارتافعت٬ رئيس حكومتهم كمل عطلتو اللي دوز فيها 16 يوم.