بعد إعلانو رئيس لميريكان.. بايدن: كيشرفني يختاروني الاميركيين باش نترأس البلاد.. وانصار ترامب فندوة: الانتخابات ماشي نزيهة وهادشي متعمد

قال الرئيس الأمربكي المنتخب، جو بايدن، فتدوينة ليه على صفحتو على موقع التواصل الاجتماعي "فيسبوك"، أنه كيشرفو يختاروه الأمريكيين لرئاسة هذ البلاد "العظيمة".
وزاد بايدن كيقول، ان الخدمة غتكون صعيبة، ولكن "أنا كنواعدكم غنكون رئيس لكَاع الميريكانيين، سوا اللي صوتو عليا أو لا، وغنحافظ على الثقة اللي توضعات فيا"، حسب تعبيرو.
والفريق القانوني ديال دونالد ترامب، فندوة صحافية تدارت قبل قليل، قال أن الانتخابات "غير نزيهة"، ووقعات عمليات تزوير متعمدة باش يخسر ترامب ويفوز بايدن، وأكد ان ترامب متشبت بحقو فاللجوء للقضاء.
وبايدن (78 عام)، استطاع يوصل ل284 صوت، ويصبح بهذشي الرئيس 46 لميريكان، مقابل 214 لصوت لغريمو ترامب.