واش بايدن يقدر يبدل المرسوم الرئاسي؟ وواش سوزان رايس اللي انضمت لفرقتو غادية دافع على البوليساريو؟ هاد الشي مستبعد ها علاش

الصحف اللي ما عندهاش مع الرئيس الامريكي دونالد ترامب كتلقى اي فرصة باش ضربو. هاد الشي اللي وقع بعد الاعلان عن مرسوم رئاسي فيه اعتراف اميريكي بمغربية الصحراء واقامة قنصلية امريكية فالداخلة.
"بلومبورگ" قالت بللي الرئيس المنتخب اللي غادي يدخل للبيت الابيض ف20 يناير 2021 غادي يحاول يبعد من المشكل او يرجع امريكا لموقفها السابق. يعني ان الرئيس فيدو يغير المرسوم الرئاسي.
بعد ذلك عرفات تبعات هاد القرار " إذا كان من المحرج سياسيًا أن يقوم الرئيس المنتخب جو بايدن بإلغاء قرار ترامب فورًا ، فمن المؤكد أنه لن يتقبله بأي حماس. لا يمكن للمغرب الاعتماد على الدعم الدبلوماسي الأمريكي ، في الأمم المتحدة أو في أي مكان آخر ، بعد 20 يناير"
حتى المدافع الشرس على البوليساريو السيناتور الجمهوري جوزيف انهووف قال باللي "غادي ندير اللي فجهدي باش نرجعو للسياسة السابقة ديالنا". هادا معارض لترامب ودار من هاد القضية جبهة جديدة
بلومبورگ كتبات باللي خاص الملك يعرف ان الاعتراف الأمريكي بمغربية الصحراء ماشي تفويض مطلق"
وذهبات باللي من المستبعد شي دول اخرى تتبع امريكا وتعتارف بمغربية الصحراء. كيهدر على دول غربية.
كما تحدثت عن صمت بايدن. دازت 48 ساعة ومازال ما هدرش الرئيس الامريكي المنتخب على القضية. فسراتو باللي طريقة باش ياخد مسافة٬ غير هو ما يقدرش ياخدها فقضية تطبيع العلاقات المغربية الاسرائيلية
صحف اخرى هدرات علي التحاق سوزان رايس وحدة من المدافعات على البوليساريو فادارة اوباما. غير الخبر المزيان للمغرب فهاد القضية هو ان هاد السياسية الامريكية غادية تخدم مستشارة فالامن الداخلي والقضايا الداخلية. الصحرا بعيدة عليها،