براكاج ف طنجة.. مجرمين دايرين ماسكات هجمو على بنكة و سرقو فلوس صحيحة وهربو

تعيش عاصمة البوغاز طنجة منذ صباح اليوم الإثنين استنفار أمني كبير بسبب تعرض وكالة بنكية بحي "مالاباطا" لعملية سطو من قبل ملثمين تمكنوا من الاستيلاء على مبالغ مالية مهمة. وفق ما كشفت عنه مصادر محلية ل"كَود".
وقالت المصادر نفسها ل"كَود" إن هاد الملثمين جاو فطوموبيل كحلة ودخلو على البنكة هازين جناوة ف يديهوم، وهددوا بيها حراس الأمن الخاص وشي مستخدم فهاد المؤسسة البنكية.
الجناة دبا هربو بداك الطوموبيل. البوليس استعان بالكاميرات وحتى الشرطة العلمية والتقنية جات لمسرح الحادث بهدف تشخيص هوية المشتبه فيهم ومساعدة ضباط الشرطة القضائية في توقيف المتهمين الموجودين حاليا في حالة فرار.