حصيلة كورونا لثاني العيد: اللي خداو الجرعة اللولة من اللقاح فاتو 6 ملايين

فالحصيلة اليومية لفيروس كورونا المستجد اللي علنات عليها وزارة الصحة اليوم الخميس 13 ماي، ففهذ 24 ساعة الأخيرة تقاسو 35، وماتو 1، وفالمجموع 3009 اللي بقاو كيتعالجو، و45730 اللي خداو الجرعة الثانية من الفاكسان.
التلقيح:
اليوم تلقحو 45730، بالجرعة اللولة، ووصل عدد الملقحين بيها ل6040109، بينما 9319 اللي خداو الثانية، ووصلو فالمجموع ل4450986.
الإصابات:
تقاسو اليوم 35 واحد من أصل 3409 واحد دار التحليلة، ووصل عدد المصابين فالمجموع ل514705.
ومؤشر الإصابة التراكمي وصل ل1415 لكل 100 ألف نسمة، بمعدل 0,1 لكل 100 ألف نسمة فهذ 24 ساعة.
حالات الشفاء:
تشافاو اليوم 399، ووصل الإجمالي ل502604، بنسبة تعافي ديال 97,6 فالمية.
الوفيات:
اليوم مات واحد، ووصل هكذا عدد الوفيات ل9092، بنسبة إماتة ديال 1,8 فالمية.
الحالات النشيطة والحرجة:
عدد الحالات النشيطة نزل ل3009 ، وعدد الحالات الحرجة نخفض حتى هو ل207 حالة، و14 تدهورات حالتهم غير اليوم، و13 تحت التنفس الاختراقي، أما نسبة ملء أسرة الإنعاش فوصلات ل6,6 فالمية.