حصيلة كورونا هاد 24 ساعة: كثر من 160 ألف تلقحو و4 ماتو

فالحصيلة اليومية لفيروس كورونا المستجد اللي علنات عليها وزارة الصحة اليوم السبت 22 ماي، ففهذ 24 ساعة الأخيرة تقاسو 363، ومات 4، وفالمجموع 2643 اللي كيتعالجو، وكثر من 160 ألف خداو الجرعة اللولة من الفاكسان.
التلقيح:
اليوم تلقحو 168206، بالجرعة اللولة، ووصل عدد الملقحين بيها ل7635674، بينما 13567 اللي خداو الثانية، ووصلو فالمجموع ل4831397.
الإصابات:
تقاسو اليوم 363 واحد من أصل 11365 واحد دار التحليلة، أغلبيتهم فكازا بحيث تقاسو فيها 205، ووصل عدد المصابين فالمجموع ل516812.
ومؤشر الإصابة التراكمي وصل ل1420,7 لكل 100 ألف نسمة، بمعدل 1 لكل 100 ألف نسمة فهذ 24 ساعة.
حالات الشفاء:
تشافاو اليوم 293، ووصل الإجمالي ل505050، بنسبة تعافي ديال 97,7 فالمية.
الوفيات:
اليوم ماتو 4، 2 فكازا، و1 فكل من الرباط وزاكَورة، ووصل هكذا عدد الوفيات ل9119، بنسبة إماتة ديال 1,8 فالمية.
الحالات النشيطة والحرجة:
عدد الحالات النشيطة طلع ل2643 وعدد الحالات الحرجة نخفض ل164 حالة، و18 تدهورات حالتهم غير اليوم، و5 تحت التنفس الاختراقي، أما نسبة ملء أسرة الإنعاش فهبطات ل5,2 فالمية.