أسترازينيكا كيحمي ب 92 فالمية من دخول السبيطار.. هادي قوة وفعالية اللقاحات اللي موجودة فالسوق ضد متحول "ديلتا" الهندي

السلالة المتحورة ديلتا من فيروس كورونا المستجد بدات كتنتشر ففرنسا كيف فبزاف ديال البلدان، والسلطات الصحية فكل بلاصة فالعالم مقلقة على هذشي وكتأكد على التلقيح لمواجهتها، حيت هذ السلالة اكثر عدوى بنسبة 50 حتى ل6p فالمية من سلالة ألفا البريطانية.
وعلى هذشي قال المسؤول على حملة التلقيح ففرنسا، آلان فيشر، أن زدياد الإصابة بعدوى المتحور الهندي كتكون حيت هذ المتحوى قادر يلتصق بسرعة بخلايا الإنسان، والحل بالنسبة ليه فالتطعيم، حيت دراسة فبريطانيا بشراكة مع King's College كشفات أن الأشخاص المقيوسين كثر بيها ماخداوش اللقاح، وكتبلغ نسبتهم 77 فالمية.
بالنسبة لفعالية اللقتحات حسب نوعيتها تجاه هذ الطفرة الجديدة، ففايزر/بيونتيك فعال ب90 فالمية، بحيث دراسة للسلطات البريطانية كشفات أنه بعد جرعة واحدة، كيوليو عند 79 فالمية أجسام مضادة ضد ديلتا، لكن اللقاح فعال ب90 فالمية لتجنب الكوفيد عامة إلى تخادو منو جوج جرعات، كيف قال ألون رابابورت، المدير الطبي لشركة فايزر فإسرائيل.
بالنسبة لأسترازينيكا/أكسفورد، فيوفر درحات عالية من الحماية، بحيث كشف المختبر المصنع ليه بيانات جديدة صادرة على هيئة الصحة البريطانية بينات ان جوج جرع منو كيوفرو 92 فالمية من الحماية ضد سوء حالة المصاب بالفيروس ودخولو المستشفى.
اما موديرنا، أكد آلان بيرسيه، المستشار الفيدرالي المسؤول عن الصحة فسويسرا، انه كيحمي مزيان من ديلتا.
بالنسبة لجانسن حتى هو كيوفر مستوى حماية عالي واخا عندو غير جرعة وحدة، وثبت فعالية إكلينيكية ضد كوفيد 19 اللي عندو أعراض، وحتى ضد متحور "بيتا"، حسب دراسة لمجلة Nature.
https://www.ouest-france.fr/sante/vaccin/covid-19-quelle-est-l-efficacite-des-differents-vaccins-face-au-variant-delta-39478e02-d5ae-11eb-8505-6750ce5b83e2?utm_source=break.ma&utm_medium=break.ma&utm_campaign=banquedecontenu