واش جنوب إفريقيا غتلوح مليون جرعة لقاح فالزبالة.. الحكومة وقفات "أسترازينيكا" حيت مابايناش فعاليتو على الحالات الصعيبة والسلالة الجديدة.. وعلماء: المعلومات ماعندناش ومن المتوقع يكون فعال

ف1 فبراير، توصلات جنوب إفريقيا، بأول مليون جرعة ديال اللقاح البريطاني "أسترازينيكا" المضاد لفيروس كورونا المستجد، من بعد سيمانة، جنوب إفريقيا علقات اللقاح، والحكومة ختارت تتوخى الحذر بعد دراسة نشراتها صحيفة Financial Times على دراسة بخصوص اللقاح، واللي بينات ان هذ الفاكسان ماكيحميش بشكل فعال من عدوى "كوفيد 19" الخفيفة والمتوسطة، وكيثير الشكوك بشأن فعاليتو فحالات الإصابة الشديدة.
حتى ل31 أكتوبر 2020، أظهرت التجربة على "أسترلزينيكا" نتائج مشجعة، مع فعالية كتقدر ب75 فالمية ضد الأشكال الخفيفة والمتوسطة. ولكن هذشي مابقاش مع السلالة الجديدة 501Y.V2 ، والمعروفة أيضا باسم B.1.351، اللي تكتشفات فجنوب إفريقيا فأواخر نوفمبر 2020.
وفق حسابات البروفيسور سالم عبد الكريم، رئيس اللجنة الاستشارية الوزارية لجنوب إفريقيا بشأن كوفيد 19، فقدرة "أسترازينيكا" للوقاية من الأشكال الخفيفة والمتوسطة من المرض كتنخفض حتى 22 فمواجهة السلالة الجديدة، وهكذا ميولي صعب الحكم فهذ الحالة واش اللقاح فعال أو لا.
بالنسبة للبروفيسور مدحي، المسؤول عن الدراسة، "فخاص نبدلو التوقعات ديالنا مع السلالة الجديدة، حيت ممكن يبقى معانا كوفيد ديما"، لكنه فالمقابل بقى متفاءل وقال أنه كيتوقع من "استرازينيكا" يكون اكثر فعالية، مادام لقاح "جونسون إند جونسون" كيقضي على السلالة المتحورة بنسبة 85 فالمية، واخا فالأشكال العادية دالمرض فعال بنسبة 57 فالمية، على عكس اللقاح البريطاني اللي فعال بكثر، ومصابين بجوج بنفس النموذج.
وغاتبدا حكومة جنوب إفريقيا بجرعات "جونسون إند جونسون"، و"فايزر بيونتك" الشهر الجاي على العاملين فمجال الصحة، واللي بينات الأبحاث أنهم فعالين ضد السلالة الجديدة.
https://www.lemonde.fr/afrique/article/2021/02/08/covid-19-en-afrique-du-sud-il-serait-inconsidere-de-jeter-un-million-de-doses-a-la-poubelle_6069176_3212.html?xtor=CS2-33281034-%5BFBAFR%5D-%5Bgratuit%5D-%5Btous%5D&fbclid=IwAR1l2xm7XKtQ5vxxEalsKD7KykcpdHYdKfEMv7OIzaGB6pDvLZLCIBO7lWs_aem_AXmAX2_1BwrI9s59y8GFlwpD4f0uEzdQ1BlB6r-uKkrajpoH9FRz7sgZCWmetIn_1fpvjMjMltCt3ro8_WMURi0ikwPRNm3w-XgsVd7nOJpi3A