نبيل عيوش: بغيت موسيقى فيلم "علي صوتك" تسجل في سيدي مومن وماشي فرانسا.. وخدمنا عليها شهرين ونص باش تكون واعرة

قال نبيل عيوش مخرج الفيلم المغربي "علي صوتك" لي مشارك في مهرجان كان السينمائي الدولي أنه ملي اقتانع بفكرة الفيلم بغا كلشي يكون من سيدي مومن.
عيوش وضح في ندوة صحافية على هامش الفيلم في كان أنه تواصل مع الأخوين مايك وفابيان كورتيزير وقال ليهم بغيت الموسيقى تتسجل في المركب الثقافي نجوم لي تابع لعلي زاوا في سيدي مومن/المغرب وماشي في استوديوهات باريس/فرانسا.
الخوت لي في بداو بالراب جاو معولين على 15 يوم لكن الخدمة حتاجت منهم شهرين ونص، وتعاونو مع دراري ديال المركب الثقافي لي مثلو البطولة باش يترجمو من فرونسي ويكتبو ليهم صلام.
عيوش وضح ان هادا 3 تعامل ديالو مع الخوت مايك وفابيان كورتيزير من بعد "خيل الله" و"الزين لي فيك"، وأكد ان الخدمة كانت نقية ومن القلب داكشي علاش وصلات مزيان.