فيلم "علي صوتك" ديال نبيل عيوش غادي يمثل المغرب ف"الاوسكارز"

اختار المركز السينمائي المغربي فيلم "علي صوتك" لنبيل عيوش للتنافس ضمن القائمة الأولية لجوائز الأوسكار 2021 ف صنف أفضل فيلم أجنبي.
الفيلم كيعاود على "أنس"، وهو مغني راب سابق، خدم فمركز ثقافي فحي سيدي مومن فكازا، وبفضلو قدرو الشباب يتعلمو يفنون الشارع اللي لقاو فيها راحتهم، ويعبرو بيها على قضاياهم.
والفيلم من إخراج نبيل عيوش، وسيناريو عيوش كذلك بتعاون مع مريم نقاش نهيلة عارف، وعرف مشاركة شباب من المركز الثقافي "نجوم سيدي مومن"، اللي دارتو مؤسسة علي زوا ف 2014.
وهو من إنتاح شركة Ali'N Production وLes Films du Nouveau Monde، بمشاركة Unité وAd Vitam.
وكان "علي صوتك" ربح جائزة السينما الإيجابية ف مهرجان كان السينمائي هاد العام، وهي جائزة تقديرية كتكرم الفيلم الأكثر إيجابية مابين الأفلام المشاركة ف المسابقة الرسمية.