صحيفة جزائرية: لعمامرة ماتلاقاش بلينكين ف نيويورك حيت ميريكان غضبانة على الجزائر بسباب تأزم العلاقات مع المغرب

عدم لقاء رمطان لعمامرة وزير خارجية الجزائر، مع انطوني بلينكين وزير خارجية امريكا فالجمعية العامة ال76 ديال الامم المتحدة، خلا وسائل اعلام تقول ان بلينكين لي رفض هاد اللقاء، ولكن صحيفة "الجيري بارت بلوس"، قدمات سبب اخر، وقالت بان لعمامرة اصلا ماطلبش اللقاء حقاش كان عارف انه غايترفض.
الصحيفة اشارت، ان العلاقات بين امريكا والجزائر مكفسة، بسباب المغرب، وان بلينكن كان هضر مع لعمامرة وقاليه خاصكوم تضبطو النفس مع جيرانكوم وماتزربوش، ولكن الجزائر رفضات تسمع لمريكان بتاتا ودارت لي بغات، وطبعا هادشي خلا القوة العظمى تقلب عليهم قلبة خايبة وتسخط على دولة العسكر.
https://www.algeriepartplus.com/confidentiel-les-veritables-raisons-pour-lesquelles-lamamra-na-pas-rencontre-antony-blinken-a-new-york/