مقسمين لبلاد. كيفاش ولد والعلو ومريم ابيدزير كيتحكمو فوزارة المالية. خداو مارشي البنك الدولي اللي غادي يدار فمراكش

هاد طارق والعلو ولى مهندس الدولة والحكومة وكلشي اللي كيدار فالبلاد. اي مارشي عمومي خاشي فيه نيفو. اخر ما حصل عليه ولد الاتحادي فتح الله والعلو وزير المالية السابق من غير جناح المغرب ف"اكسبو دبي" هي صفقة تصميم باب ايغلي بمراكش اللي غادي يكون فيها مؤتمر للبنك الدولي من المنظمين وطبعا وزارة المالية ديالنا غادية تحط حصيصة مزيانة. الحدث هو قمة افريقية اوربية ديال البيزنس "اوروبيان بيزنس سامر" وغادي يكون يومي 28 و29 نونبر من الشهر الجاي بمراكش
ماشي غير والعلو اللي كلى من هاد الصفقة اللي فيها 60 مليار سنتيم٬ كاين حتى مريم ابيدزير مولات "اڤان سين" اللي خدات التنظيم وفق مصادر "كود" بلا طلبات عروض بلا سيدي بوزكري.
هاد الثنائي نموذج للمغاربة اللي صادقة ليهم. المارشيات ديالهم وكاع البيبان مفتوحة ليهم. كتبو لامثالهم المغرب وصافي.