ضوسيات "بيريمي" تحكمات قضائيا رجعات للواجهة ومحامين فكازا كيحذرو من تأثير هاذ الشي على التحقيق مع رجل اعمال معروف

albayancom0@gmail.com
قالت مصادر خاصة ل "كود"، أن محامين ف كازا عبرو على استغرابهم من قيام "جهات مجهولة" مؤخرا بالتركيز على ضوسيات "بيريمي" ديال جرائم العقار تحكمات قضائيا ف السنوات الأخيرة والمتهمين فيها دوزو العقوبات ديالهم وحذرو من تزامن هاذ الشي والتأثير ديالو على مسار التحقيقات مع رجل اعمال معروف ف كازا والمس بالمجهودات اللي كتدير رئاسة النيابة العامة والمسؤولين القضائيين اللي تابعين ليها.
واضافت المصادر ذاتها، أن هاذ المحامين دعو هاذ الجهات إلى عدم اجترار تفاصيل ملفات "بيريمي" والتركيز دابا مع شكايات ساخنة وقضايا مثارة حاليا أمام غرف التحقيق ومحاكم الموضوع، العنصر الرئيسي فيها والخيط الرابط اللي فيها هو رجل أعمال سبق له الاستفادة من حكم قضائي بالبراءة من تهم جنائية ثقيلة في ظروف ملتبسة.
وحسب هاذ المصادر، كتبقا ضوسيات جرائم العقار من القضايا التي خاص فيها الضرب بيد من حديد على جميع أيادي المتورطين دون استثناء أو تمييز، كما جرى مع منعش عقاري حصل في العامين الفايتين على أحكام بالبراءة وعدم المتابعة وعقوبات موقوفة التنفيذ، رغم ارتباط اسمه بمساطر مرجعية وقضايا لها علاقة بشبهة تزويرعرفية وعقود هبة وعقود استغلال ووكالات خاصة وحيازة عقارات بدون سند قانوني أمام محكمة الاستئناف بالعاصمة الاقتصادية.