خاصنا نطبقوها فالمغرب على منيب والعشعاشي والعدليين والنهجيين وامثالهم وما نتسناوش شي موجة جديدة دكورونا. النمسا: ما دايرش الڤاكسان بقى فدارك وللي خرج يخلص مليون ونص

اليوم تبدا النمسا طريقة جديدة مع اللي ما بغاوش يديرو الڤاكسان. كلهم غاديين يبقاو فديورهم وما يخرجوش الا للضرورات. دارت ليهم عزل. هاد الشي قرراتو السلطات بعد ارتفاع الاصابات.
هاد المرحلة الجديدة اللي تبدا اليوم الاثنين فيها استثناءات لهادوك اللي ما بغاوش اللقاح وهي شي طارئ صحي او باش يقضيو امورهم الحيوية.
طبعا اللي ما دخلش الصف وما احتارمش هاد الشي٬ وفق ما قررته سلطات ڤيينا غادي يخلص 1450 اورو شي مليون ونص سنتيم. مستشار هاد الدولة =رئيس الوزراء= قال باللي ممكن للولايات تشدد هاد الاجراءات ايلى بغات وقال باللي تاخدو القرار بعد ما وصلات الحالات 13 الف حالة فاليوم وبعد اقبال ضعيف للمواطنين النمساويين علي اللقاح. فاللول غادي يطبق كذلك اجراءات بخصوص الاغلاق الليلي لمدة 10 ايام. وقال وزير الصحة النمساوي إن الهدف هو تعزيز الاستعداد للحصول على اللقاحات وتقليل الاختلاط الاجتماعي بنحو 30 بالمائة.
ولاية باڤاريا الالمانية اللي فيها ميونيخ حتى هي باغية طبق هاد الخطة ديال النمسا وتفرض حجز منزلي علي غير الملقحين. هاد الشي اللي طالب بيه رئيس وزراء هاد الولاية.
وكانت الوكالة الأوروبية لمحاربة الأمراض وصفت الجمعة اللي فاتت٬ الوضع الوبائي ف10 دول بالمقلق جدا". هاد الدول هي هولندا وبلجيكا وبولندا وبلغاريا وكرواتيا والتشيك واليونان وإستونيا والمجر وسلوفينيا، في حين أدرجت كل من ألمانيا والدانمارك والنمسا وفنلندا وأيرلندا ولاتفيا وليتوانيا ولوكسمبورغ ورومانيا وسلوفاكيا .
شي دول بدات فاغلاق جزئي بحال هولندا٬ اما النرويج ففرضات قيودا إضافية باش توقف هاد الموجة. والنمسا راه ذكرنا بالاجراءات اللي بدات اليوم
وكاين دول فاوربا الوضع ماشي خايب ولكن بدات تفكر ففرض الدوز الثالث. هاد الشي يهم سويسرا. بغات طبق التجربة الاسرائيلية.
الوضع الوبائي بالمغرب دابا مخير. لكن لتفادي شي موجة تزرب علينا خاص شي اجراءات بحال فرض الحجز المنزلي اللي ما بغاوش يتلقحو. يبقاو فديورهم من الستة فالعشية مثلا. كمرحلة اولى. ممنوع التحرك والسفر وكلشي. بنهار يقدرو يتقضاو وقف شروط.
نبيلة منيب والعشعاشي وصحابهم فالعدل والنهج يبقاو يتفرجو فالتلفزيون