عاجل. بفاس سيدنا اول مغربي دار الڤاكسان

سيدنا اول مغربي دار الڤاكسان ضد "كورونا". هاد الشي تم رسميا اليوم بالقصر الملكي بفاس. الملك محمد السادس اعلن بهاد الشي على "إطلاق الحملة الوطنية للتلقيح ضد مرض كوفيد-19.
دابا ولات الحملة رسميا.
المغرب كان تلقى 2 مليون جرعة من لقاح "كوڤيشيلد" ديال "استرازينيكا اوكسفورد" و500 الف من لقاح "سينوفارم" الصيني.
بهاد الشي غادي نكونو اول دولة فافريقيا تدشن حملة التلقيح ضد "كورونا".
الملك كان اعلن على ان اللقاح غادي يكون مجاني وغادي يستهدف من 17 عام الى ما فوق 75 عام.
المرحلة الاولى اللي بدات اليوم كتهم ما فوق 75 عام من عموم لمغاربة، ورجال قطاع الصحة ما فوق 40، والقوات العمومية، ورجال التعليم ما فوق 45 عام.
بيان الديوان الملكي قال باللي 30 مليون مغربي غاديين يديرو التلقيح وفابور. هاد الشي كيمثل 80 بالمائة من سكان المغرب.