الديوانة طيحات بارون كبير فالتهريب. قال ليهم كيستورد ماكلة "حلال" ولقاوه جامعها مخذرات وتهريب وهجرة سرية وها علاقتو بابو زعيتر

علمت "كود" ان مخزنين اللي لقاتهم الديوانة فكازا واللي تم حجز بضائع مهربة ومحظورة كتعود لشخص كيقول بللي كيستورد المالكة "حلال" المخصصة للمغاربة اليهود. حسب مصادر "كود" فقد نفى ممثلو هاد الديانة علاقتهم بهاد الشخص.
وفق ما توصلت بيه "كود" من مصادر مقربة من التحقيق فان هاد الشخص هرب وخلى غير بوه. هاد المخازن٬ تضيف مصادر "كود"٬ كاين بعضهم فدار بوعزة.
بيان الجمارك كان قال بالي "في إطار مهامها الاستراتيجية الرامية إلى حماية الصحة العامة ومكافحة ظاهرتي التهريب والغش التجاري، قامت الفرقة الوطنية للجمارك بتعاون مع كل من المديرية الجهوية للجمارك طنجة المتوسط والمديرية الجهوية للدار البيضاء – سطات، وبتوجيه من المصالح المختصة بالإدارة المركزية وتحت إشراف النيابة العامة صبيحة يوم الأحد 14 نونبر 2021، بمداهمة مخزنين بمدينة الدار البيضاء وحجز كميات كبيرة من البضائع المهربة و المحظورة ".
واكد انو بعد إجراء الحجز ومعاينة البضاعة، لقاو: 260.000 أسطوانة أكسيد النيتروز، كيستعمل كمخدر شديد الخطورة على صحة الإنسان عدد كبير الهواتف النقالة وأجهزة كمبيوتر وألبسة متنوعة (سراويل، أقمصة..)، 10 زوارق مطاطية تستخدم في تهريب المخدرات والهجرة السرية.
حسب مصادر "كود" فمول الفعلة للي خدام فالاستيراد كانت عندو علاقة مع ابو زعيتر وكيقول لكلشي راه صاحبو وكيخدم معاه. وقال باللي سبق ليه جاب حوايج ديال اللبس وحسبهم على جمعية.