كيبزنس فعقود عمل وهمية.. نصاب مغربي طاح فيد البوليس دصبليون وتهم كبيرة غادي يتابع بها

تمكنات عناصر البوليس فمدينة " إلخيدو" فإسبانيا، من إيقاف مواطن عندو الجنسية المغربية، فعمرو 47 سنة، كان كيوهم الناس، بعقود عمل وهمية.
وعلى ما قالت وسائل إعلام إسبانية، بلي هاد السيد كان كيوهم مواطنين، كلهم مقيمين فإسبانيا بطريقة قانونية، بلي يقدر يضبرلهم فكونطراطات دلخدمة وتصاريح الإقامة، لولاد عائلاتهم، مقابل مبلغ 4000أورو.
وحسب المصادر نفسها، أن السيد من بعد ما طاح فيد لبوليس، بدات كتبان شكايات جديدة من مواطنين تعرضو للنصب، الشي لي كيبين كثرة الجرائم لي رتاكبها.
القضية تفجرات، من بعد ما بداو الناس لي طاحو ضحايا لعملية النصب، من طرف السيد، كيتلقاو مكالمات من مكتب الإستشارة القانونية، كيخبرهم بلي عقود العمل لي دفعوها، بانت بلي مزورة.