ميكروطروطوار "كود"..الحرب الروسية الاوكرانية تلفات المغاربة: هاش شكون الرابح والخاسر فنظرهم – فيديو

المغاربة تلفاتهم الحرب بين روسيا واوكرانيا، معارفينش شكون الرابح والخاسر ومع من مصلحة المغرب. "كود" سولت عدد منهم في العاصمة الرباط، كل واحد وكيفاش كيشوف هاد الحرب وتأثيراتها الاقتصادية والسياسية.
ويرى عدد من المواطنين لي تلاقاتهم "كود"، بأن هاد الحرب ماشي عالمية وكتهم فقط اوكرانيا وروسيا والدول اللي كتعامل معهم اللي كتستورد السلاح منهم.
مغربي قال ل"كود" :"انا ما معا روسيا وما معا أوكرانيا، وداكشي بيناتنا".
مواطن آخر قال بلي :"الحرب ما فيهش منتصر ولا خاسر، الكل خاسر"، مضيفا :"طبعا بلادنا غادي تأثر، خصوصا حنا كنجيبو كميات كثيرة من القمح من أوكرانيا، اضافة لعدد كبير من الطلبة لي كيدرسو ف أوكرانيا للي غادي ضيع دراستهم".
وأضاف نفس الشخص لي أكد عكس مواطن آخر، بأنها حرب عالمية.
مغربية كتقول بلي بقا فيها الوضع ديال وليدات المغاربة لي كيقراو ف اوكرانيا وملقاوش شكون يعتقهم.