هجم على الضحية فدارو وضربو بشاقور للراس.. سكان جماعة سلوان فاقو اليوم على جريمة خايبة

فاقت ساكنة جماعة سلوان، وتحديدا فحي "النهضة"، على جريمة خايبة مشى فيها رجل خمسيني، بضربة ديال شاقور فالراس.
وفتفاصيل الجريمة، دخل واحد من أفراد عائلة الضحية للبيت صحة، قبل ما يبدى يسلخ فالسيد وكمل اللفعلة ديالو بضربة شاقور للراس، مات بسبابها الضحية فالبلاصة
والقاتل غير كمل الجريمة ديالو، حاول يهرب من الدار، ولكن سكان الحي شدوه، وسلموه للجوندارم اللي كانو دايرين دورية فوسط الحي.
أسباب الجريمة مزال مجهولة، بحيث تفتح تحقيق معمق مع القاتل اللي تحط فالحراسة النظرية، باش يتقدم للوكيل فظرف 48 ساعة.
ماشي هادي الجريمة الوحيدة اللي عاشتها مدينة الناظور مؤخرا، بحيث غير الأسبوع الماضي، قتل واحد السيد خوه فدار، فحي "ترقاع"، و اللبارح تلقات رجل بشرية فوسط مقبرة فحي "مولاريس" فمدينة بني انصار الحدودية.