مدافع بلجيكا: مجموعتنا ما يمكن تحگر فيها حتى منتخب وما كنعرفوش مزيان لا المغرب لا كندا

قال لاعب بلجيكا طوبي الديرفايريلد مدافع الدحيل القطري باللي "ماشي خصوم للي تقدر تحگرهم. من غير كرواتيا٬ راهم منتخبات ما كنعرفوهش مزيان" فاشارة الى منتخبي المغرب وكندا. مدافع الشياطين الحمر حسب ما نقلت "لوسوار" البلجيكية قال باللي الهدف الاول دابا ماشي هو تفكر فمواجهة اسبانيا او المانيا فثمن النهاية وتتأهل اولا
المدافع السابق لتوتنهام اكد باللي كاين منتخبات كبيرة ما قدراتش تتأهل. واضاف "ما كاينش مجموعة الموت ديال بصاح. دابا اي منتخب يقدر يربح اي منتخب. ما كاينش شي مجموعة ساهلة
قرعة البارح فمونديال قطر 2022 فنونبر ودجنبر طيحات البارح بلجيكا وكرواتيا وكندا والمغرب فالمجموعة السادسة.
المغرب غادي يبدا مع كرواتيا ف23 نونبر ومن بعد يلعب مع بلجيكا ف27 نونبر واخر ماتش فالمجموعة غادي يكون مع كندا يوم فاتح دجنبر