أكثر حاجة تايخاف منها حارس المعبد هي أن الناس ما يبقاوش يديوها فيه. ما تقدروش تتخيلو حجم المعاناة النفسية ديال واحد تايعتابر راسو موظف ديال الله وعندو الحقيقة المطلقة أنه يولي مهمش ما عندو حتى تأثير فالمجتمع

أكثر حاجة تايخاف منها حارس المعبد هي أن الناس ما يبقاوش يديوها فيه، أنه يتنسا، أن الدور ديالو يتقزم. ما تقدروش تتخيلو حجم المعاناة النفسية ديال واحد تايعتابر راسو موظف ديال الله وعندو الحقيقة المطلقة، أنه يولي مهمش ما عندو حتى تأثير فالمجتمع.
الطريقة الوحيدة باش يرجع راسو صحة للواجهة هي خلق نقاشات زائفة وصراعات وهمية ومعضلات باسكالية.
حارس المعبد ماعندوش غيرة على الدين، حيت كون كانت عندو فعلا كون هدر على أمور غا تسيفطو للحبس وغا تنفر منو الناس أكثر. حارس المعبد عندو خوف من انكماش أكبر لحرفتو.
حارس المعبد تايختار بعناية شكون يستهدف. داكشي للي ما غا يديرش ليه مشاكل وفنفس الوقت ي polariser بيه بنادم.
حارس المعبد عزيز عليه يجبد موضوع الأخلاق أينما حل وارتحل، لكن ما تايتعمقش فيه حيت عارف أن عندو الجثت فالقبو.
حارس المعبد مؤخرته تاتصفق فرحة مين تايلقى كل المنابر الإعلامية تاتهدر عليه.
غا يدوز البوز، وغا يرجع حارس المعبد للظلام، وبعد فترة من الزمان غا يلقى شي لعبة جديدة باش يرجع للضو.