اخيراً ومن بعد أسابيع والناس كتسنى عزيز أخنوش رئيس الحكومة وفي المجلس الحكومي ديال اليوم الخميس عين الدكتورة حسنة كجي عميدة فكلية العلوم القانونية والسياسية بسطات، من بعد شحال من شهر والقضية مسيرها غا احمد فحلي بالنيابة. هاد العميدة راها كانت رئيسة ديال شعبة القانون العام فكلية العلوم القانونية والاقتصادية والاجتماعية فعين الشق، وهي نيت منسقة ماستر القانون والسياسات البيئية لول في المغرب من هاد التخصص، وهي استاذة ديال التعليم العالي فالعلاقات الدولية وخبيرة في شؤون البيئة. المنسق الاقليمي لحركة معاً فسطات ياسين حسناوي لي اسم معروف فجامعة الحسن الاول بحيث كان سبب في فضح ملفات فساد كبرى، اتصلات به "گود" باش تاخذ رأيو في الموضوع، وقال "حسنة كجي إنسانة مزيانة ونقية ودارت هاد العامين لاخرة رئيسة شعبة ونجحات فيها بشهادة بزاف ديال الناس". واضاف الحسناوي في تصريحو لگود، حنا كحركة معاً مستعدين باش نساهمو في اعادة البناء ديال المؤسسة وهاهي يدنا ممدودة ليها.
