طيارة طاحت وسط لوطوروت فميريكان – فيديوهات

طيارة صغيرة بموطور واحد، من نوع "Piper PA-32′′، طاحت وسط لوطوروت فمنطقة "كورونا" فولاية كاليفورنيا، خهر الثلاثاء الفايت، وقدر البيلوط والركاب اللي كانو معاه أنهم يخرجو بسلام بعد هبوط اضطراري.
البيلوط أندرو تشو (Andrew Cho) قال أنه ما بقاش قادر يتحكم فالطيارة وهي على علو جوج ميترو من الأرض، وكان كيفكر يديها لبلاصة آمنة وما فيهاش الناس، ولكن فاللخر اللي بان ليه يقدر يدير هو ينزل بيها فلوطوروت.
وقال المتحدث أن عملية الهبوط كانت صعيبة بزاف، والخبطة مع الأرض كانت بحال شي انفجار، وقدر يهرب هو والناس اللي كانو معاه فالطيارة فاش شعلات العافية بعدما تصاطح الجناح ديالها مع كاميو كان غادي فالطريق.