الوداد غايحتافل بالعودة ديال عموتة واللاعبين الجداد

غايقوم فريق الوداد الرياضي ديال كرة القدم بتقديم العناصر ديالو الجديدة لي تعاقد معها فالميركاتو الصيفي مع نهاية الشهر الجاري، أي قبل أيام قليلة على إنطلاق البطولة الإحترافية لكرة القدم.
وكشفت مصادر مطلعة على أن الإدارة ديال الوداد الرياضي غدير حفل تقديم اللاعبين الجدد ديال الفريق، والطاقم التقني الجديدي لي غيشرف على قيادة بطل إفريقيا والمغرب باحدى الفنادق بمدينة الدار البيضاء.
المصادر نفسها أشارت إلى أن الوداد كينتظر العودة ديال المدرب الحسين عموتة إلى المغرب، بحيث انه مسافر للنمسا مع المنتخب الوطني المغربي المحلي وبمجرد العودة ديالو فالأسبوع الأخير من غشت الجاري غيدير الفريق حفل تقديم ديالو وديال الاعبين الجداد.
وكيقود الحسين عموتة حاليا المنتخب الوطني المغربي فدوري ودي دولي فالنمسا، غيواجه فيه المنتخب ما بين 20 و 26 غشت منتخبات قطر وغانا وجامايكا، وغيلتحق من بعد منها مباشرة بالفريق الأحمر، مع العلم أن المنافسات ديال البطولة الإحترافية غاتنطلق يوم 2 شتنبر الجاي.
من جهة أخرى فالميركاتو ديالو الوداد الرياضي لم ينتهي بعد، فالادارة ديال الفريق الأحمر ما زال كتسعى لضم أسماء جديدة من أجل تغطية الخصاص لي كاين فالفريق خصوصا على مستوى الهجوم ديالو.