وا الزعيترات وصلو عياقتهم لباريس. شوفوني راه عندي رولز رويس حدا كافي اوبيرا ومستاسيونيها انتيردي گاع =تصاور

الزعيترات ما باغي حتى حد ينساهم. باغيين ديما يهدرو عليهم. اخر عنترياتهم كانت مع شي بوبكر منهم. هاد خينا دا طونوبيلة بماتريكيل مغربية من نوع "رولس رويس" لباريس.
اييه ماشي لكوسطا ديل صول لباريس وحطها قدام "كافي اوبيرا" المعروفة واللي فيها الرواج بزاف باش كلشي يشوفو. مسطاسيوني انتيردي والناس كتشوف هاد الطونوبيلة بترقيمها المغربي.
دابا كيفاش هاد الطونوبيلة وصلات لتماك وشكون اللي داها ليه واش الدولة خسرات شي ريال علي هاد العملية. ايلى كانت دولتنا خسرات شي درهم راها فضيحة كبيرة ثانيا العالم عايش ازمة طاقة ونقاشات كثيرة فالغرب على الخصوص على سبل الاقتصاد فالطاقة وصاحبنا فهاد الازمة كيتسكع فباريس بهاد الطونوبيلة الغالية
بلا ما نهدرو على ان هاد الطونوبيلة مغربية وكيفاش كيسوقو النموذج المغربي فالعاصمة الباريسية.
هاد السكاكري ديال ابو بكر زعيتري باغي يقول باللي راه فباريس وما غاضب عليه حد وووو
بوليسنا فين ما كيلقى شي طونوبيلة ديال هاد بنادم او غيرو فشي بلاصة انتردي وكلشي كيشوف فيها كيهزها. هو سبق هزو ليه طونوبيلتو من قدام "موروكو مول" فكازا٬ وا نتمناو بوليس فرانسا يدير بحال ديالنا ويؤدب شوية هاد الزعيتري