عبد الصمد الزلزولي توعت فماتش أوساسونا وجيرونا وخرج فالشوط الأول

تعرض الدولي المغربي عبد الصمد الزلزولي الإصابة فالماتش ديال فرقتو أساسونا مع جيرونا فبطولة الصبليون، وغادر الماتش فالشوط الأول .
عبد الصمد الزلزولي وبدقايق قليلة على بداية الماتش حس بالألم ومن بعدما دخل الطاقم الطبي ديال أوساسونا باش يشوف نوع الإصابة اللي عندو، طلب الطبيب من مدرب الفرقة يبدلو وتم التغيير ديالو فالدقيقة 8.
وخرج عبد الصمد الزلزولي حيث ما قدرش يكمل الماتش ما بين أوساسونا وجيرونا، فانتظار يخضع لفحص مكثف باش يتعرف نوعية الإصابة اللي كيعاني منها، وهو الأمر اللي غادي يخلي وليد الركراكي مدرب المنتخب المغربي تحت ضغط أكبر، حيث الزلزولي من اللعابا اللي معول عليهم يشاركو مع ليكيب ناسيونال فكأس العالم.