ثمن البوطا والخبز والسكر غادي يبقى كيف كاين اليوم. وزيرة المالية: دعم الغاز غادي يستمر بحال القمح

قالت نادية فتاح وزيرة الاقتصاد والمالية باللي ثمن الغاز ما غاديش يتبدل. ماشي غير الغاز الوزيرة قالت باللي حتى القمح والسكر ما فيهاش شي تغيير.
واوضحت الوزيرة اللي كانت ضيفة فالنشرة الرئيسية على « الاولى » الليلة الاثنين 31 اكتوبر 2022 ان الدولة باش تحافظ على هاد الثمن خصصات فقانون المالية 26 مليار درهم =لصندوق المقاصة=
وردا سؤال واش على الرفع التدريجي للمواد الاولية المدعمة من قبل صندوق المقاصة والانتقال للدعم المباشر للفئات الهشة٬ قالت وزيرة المالية "اليوم منكبين على التغطية الصحية. كاينة اليات جديدة من اجل دعم الفئات الهشة" واكدات ان هاد الاليات محتاجة للخدمة باش توجد برامج اجتماعية وهاد الشي غادي يكون فاللول ديال السنة المقبلة.
واكدات باللي الدعم ديال الغاز غادي يبقى مستمر. يعني ان ثمن البوطا ما غاديش يتغير بحالو بحال ثمن الخبز والسكر