النصيري حاضر فلاليست ديال إشبيلية ضد مان سيتي من بعدما غاب الماتش الماضي

غادي يكون الدولي المغربي يوسف النصيري حاضر مع فريقو إشبيلية الصبليوني الأربعاء الجاي، فماتش شومبيونزليك ضد مانشيستر سيتي الننكليزي.
الأرجنيتي خورخي صامباولي مدرب إشبيلية وضع يوسف النصيري رفقة المغربي الآخر ياسين بونو فلاليست ديال الفرقة اللي غادي تسافر غدا الثلاثاء إلى مدينة مانشيستر فالننكليز باش تلعب ضد مان سيتي.
وكان يوسف النصيري توعت فماتش إشبيلية الصبليوني ضد كوبنهاكن الدنماركي الثلاثاء اللي فات، وغاب ضد رايو فايكانو فلاليكا السبت الماضي، وكان المدرب ديالو صامباولي خرج فتصريح له وقال أن النجم المغربي موعت ففخذو بلي كيتمنا هو والطاقم الطبي ديال إشبيلية ما يطولش اللعاب كثر من سيمانا فالعلاج والراحة.