صامباولي مدرب إشبيلية غادي يلعب بونو والنصيري باش يضرب دورتموند

قرر الأرجنتيني خورخي صامباولي مدرب اشبيلية الإسباني يلعب المغربيان ياسين بونو ويوسف النصيري ضد بروسيا دورتموند لالماني، اليوم الثلاثاء فدوري أبطال أوروبا.
خورخي صامباولي قرر يستعن بالخدمات ديال الحارس ياسين بونو ويوسف النصيري فالماتش لقوي ضد بروسيا دورتموند لالماني، ويدخلها فالتشكيلة الاساسية خصوصا وأن ماتش اليوم مهم بزاف ومافيهش مجال للغلط.
وكان سامباولي كلس ياسين بونو ويوسف النصيري فالرومبلاصمون ضد أتلتيكو بيلباو الويكاند اللي فات فبطولة الصبليون، فأول ماتش له من بعدما سنا مع إشبيلية، وهو الأمر اللي ما جابش نتيجة وماسلكوش حيث سالا الماتش تعادل واحد لواحد وبزاف من عشاق اشبيلية كيشوفو أن ماتش الليلة ضد دورتموند خاص يحبس فيه بونو ويلعب فيه النصيري حيث ضربها على لالمانيين غير السمانة اللي فاتت.