حارث مشى ليه المونديال. شكون للي مرشح يعوضو؟

غادي يغيب الدولي المغربي أمين حارث نجم موناكو الفرنسي على كأس العالم 2026، بسبب الإصابة الصعيبة اللي تعرض البارح الأحد فماتش فرقتو ضد موناكو فبطولة فرنسا، واللي خلات العالم يشد قلبو ما شي غير عائلة حارث أو المغاربة بسبب صعوبة المشهد.
الدولي المغربي أمين حارث اللي تصاب من بعد تدخل عنيف ديال مدافع موناكو أكسيل ديساسي، ومن بعدما تنقل للسبيطار فموناكو وخضع الفحوصات الطبية تبين بلي تقطعو له ليكامو فالركبة ديالو اليسرى الشي اللي غادي يخلي العام يسالي عندو ما شي غير يتحرم من المشاركة مع المنتخب الوطني المغربي فكأس العالم قطر 2022 حسب ما متوفر من معلومات فانتظار بلاغ ديال فرقتو أولمبيك مارسيليا.
الإصابة ديال أمين حارث صبحات دابا أمر ما منو هروب ولو صعوبة تقبلها، لا من طرف الطاقم التقني ديال المنتخب الوطني المغربي ولا من طرف الجمهور المغربي، حيث هو من العناصر اللي معولين عليهم يقودو الوسط الهجومي ديال ليكيب ناسيونال، لكن كيبقى التغيير ديالو فاللائحة النهائية بلعاب آخر من لائحة الانتظار هو الواقع اللي ما منو هروب بالنسبة للناخب الوطني وليد الركراكي اللي أشد المتشائمين ماكانش كيتسنى هاذ السيناريو يوقع لحارث فهاذ الليلة.
ومن بين الأسماء اللي كاينة فلائحة الانتظار لتعويض أمين حارث، كاين بدرجة أولى يونس بلهندة اللي مرشح بشكل قوي ياخذ بلاصة حارث، ومن بعد منو كاين كل من ريان مايي وسفيان رحيمي وطبعا الاختيار ما غاديش يكون سهل بالنسبة لوليد الركراكي كيفما مكانش ساهل عليه وعلى المغاربة كاملين يتقبلو إصابة أمين حارث قبل أيام على كوب ديموند.