الركراكي و17 واحد من اللائحة ديالو عمرهم شافو المونديال وغير 9 اللي فايت لهم عاشوه

كتعرف لائحة المنتخب الوطني المغربي لكأس العالم و اللي فيها 26 لعاب مشاركة 9 لعابا سبق لهم حضرو للمونديال خلال تواجدهم فكوب ديموند 2018، أمام الباقين عمرهم شافو الأجواء ديال كأس العالم بمن فيهم المدرب وليد الركراكي اللي عمرو لعب المونديال كلعاب وكوب ديموند 2022 أو مشاركة له كمدرب.
وكيتعلق الأمر بكل من حراس المرمى ياسين، بونو ومنير المحمدي، ورضا التكناوتي، وغانم سايس، وأشرف حكيمي، وحكيم زياش، وسفيان امرابط، وأمين حارث ويوسف النصيري.
ووجه الناخب الوطني وليد الركراكي اللي عمرو لعب المونديال كلعاب أو كمدرب، الدعوة ل 26 لعاب باش يشاركو مع المنتخب الوطني المغربي فكأس العالم 2022 فقط، منهم الأسماء المذكورة اللي سبق لها لعبت المونديال ومنها 17 لعاب عمرهم لعبو كوب ديموند.
وبالنسبة للعبا اللي غادي يكتشفو كأس العالم لأول مرة كيتعلق الأمر بكل من نايف أكرد، وبدر بانون، يحيى عطية الله، أشرف داري، نصير المزراوي، جواد الياميق، عز الدين اوناحي، سليم أملاح، زكرياء أبوخلال، عبد الحميد الصابيري، بلال الخنوس، يحيى جبران، سفيان بوفال، عبد الصمد الزلزولي، زكرياء أبوخلال، إلياس شاعير، وليد شديرة ، عبد الرزاق حمد الله.